V8-den ýüz öwürmegi müşderilerini ýitirmäge sebäp bolandygyny “Mersedes-AMG” kompaniýasynyň baş direktory boýun aldy
V8-den ýüz öwürmegi müşderilerini ýitirmäge sebäp bolandygyny “Mersedes-AMG” kompaniýasynyň baş direktory boýun aldy. Subbrendiň ýolbaşçysy Mihael Şibe “Car” žurnaly bilen söhbetdeşlikde turbo görnüşli dört silindrli hereketlendirijä esaslanýan gibrid ulgamyna geçmegiň käbir alyjylar tarapyndan gowy garşy alynmandygyny aýtdy. “Şübhesiz biz V8 bilen gyzyklanýan müşderileri ýitirdik” – diýip “Mersedes-AMG”-iň başlygy mälim etdi. Şeýle-de bolsa, häzirki wagtda işjeň bolan “AMG C 63” kuwwatly gurluşyň saýlanylmagynyň dogrydygyny Şibe öňe sürýär.
Mihael Şibe “C 63” “portfolioda (bukjada) gaty möhüm awtoulag” diýip atlandyrdy. Hünärmen, Formula 1-iň iň täze tehnologiýasyny ulanýandygyny aýtdy. Resmi wekil super gibridiň sada satuwyny ýönekeý düşündirýär: onuň pikiriçe, “Mersedes-AMG” satyjylara we müşderilere tehnologiýany dogry düşündirip bilmedi, dogry täsir etmek mümkinçiligini elden gidirdi.
Portfolioda “arassa” içerki ýangyç hereketlendirijilerinden we gibridlerden elektrik ulaglaryna çenli ähli görnüşli geçirijiler bolar. Şeýle-de bolsa, “Mersedes-AMG”-iň geljegi içerki ýangyç hereketlendirijileri bilen baglanyşykly däl: Mihael Şibe elektrik çekiji güýjiniň geçiş tizliginiň haýallamaly däldigine we geljekde ýokary öndürijilikli awtoulaglarda benzin hereketlendirijileriň bolmajakdygyna ynanýar.
“Täze tehnologiýa bize köp mümkinçilikleri açýar. Içerki ýangyç hereketlendiriji bilen şu gün mümkin bolmadyk köp täze zatlar edip bilersiňiz” – diýip “Mercedes-AMG”-iň ýolbaşçysy mälim etdi. Gyzykly tarapy, üç aý ozal Mihael Şibe müşderileriň V8-iň elektrik çekiji güýji bilen çalşylmagyny asla duýmajakdygyny aýdypdy.
ORIENT
