Tokaýew Emeli aň baradaky Halkara konsultatiw geňeşiniň döredilmegi hakynda habar berdi
Abu-Dabide geçirilen emeli aň boýunça bilermenler bilen duşuşygynyň barşynda Gazagystanyň Prezidenti Kasym-Žomart Tokaýew Emeli aň (EA) baradaky Halkara konsultatiw geňeşiniň döredilmegi hakynda habar berdi.
Tokaýewiň aýtmagyna görä, Geňeş onuň ýolbaşçylygynda işläp, dünýä hünärmenleri bilen dialog we pikir alyşmak üçin strategiki platforma öwrüler.
Institusional çäkleriň, infrastrukturanyň döredilmegine, şeýle-de adam maýasynyň ösdürilmegine aýratyn ähmiýet beriler. Ýokary taýýarlykly hünärmenleriň taýýarlanylmagy Geňeşiň işiniň möhüm ugry bolar. Çünki Emeli aňy ornaşdyrmagyň üstünligi işläp taýýarlaýjylaryň hünär derejesine we tehnologiýa ulanyjylara baglydyr.
Emeli aňyň häzirki zaman ösüşiň esasy hereketlendiriji güýji bolup durýandygy barada belläp, Kasym-Žomart Tokaýew dürli ugurlar boýunça, şol sanda ylmy barlaglarda we etiki standartlaryň kesgitlenilmeginde hyzmatdaşlyga çagyrdy.
Gazagystanda AlemAI öňdebaryjy tehnologiýalar merkezi döredildi. Ol dünýäniň iň gowy tejribelerini özünde jemläp, innowasion çözgütleriň ornaşdyrylmagyna ýardam eder. Bilim ulgamynda ýurt Emeli aň boýunça adam maýasynyň ösdürilmegine ýardam bermäge niýetlenen Al-Sana innowasion maksatnamany hödürledi.
ORIENT news
