“Türkmendeňizderýaýollary” agentligi gäminiň abatlaýyş işleri boýunça halkara bäsleşik yglan etdi
“Türkmendeňizderýaýollary” agentligi “Jahan” çekiji gäminiň abatlaýyş işleri we onuň üçin gerekli ätiýaçlyk bölekleri we enjamlary satyn almak boýunça halkara açyk bäsleşigini yglan etdi.
Gyzyklanma bildirýän şahslar aşakdakylary ýerine ýetirmeli:
-
Guramanyň doly adynyň, hukuk derejesiniň, hasaba alnyş ýurdunyň, poçta salgysynyň, telefon belgisiniň, faksyň, e-mail we Türkmenistandaky wekiliň hasaplaşyk hasaplarynyň dolulygyna görkezilmegi bilen ýazmaça arzany tabşyrmaly;
-
Kompaniýanyň soňky üç ýylyň maliýe ýagdaýy baradaky maglumatlary, şeýle hem kompaniýanyň iş tejribesi we onuň işgärleriniň taýýarlyk derejeleri baradaky maglumatlary tabşyrmaly. 250 ABŞ dollary (goşmaça baha bolan salgydy hasaba almak bilen) möçberinde bäsleşik tölegi amala aşyrylandan soň, bäsleşigiň resminamalar bukjasyny almaly. Ýerli kompaniýalar bu bahany milli pul birliginde töläp bilerler. Arzalar 2025-nji ýylyň 15-nji fewralyna çenli kabul edilýär.
Ähli talap edilýän resminamalar taslamanyň ady görkezilen möhürlenen bukjada tabşyrylmaly. Bukjalar 2025-nji ýylyň 15-nji martyna çenli kabul edilýär.
Resminamalary tabşyrmak üçin salgy: 745000, Türkmenistan, Balkan welaýaty, Türkmenbaşy ş., Şagadam köç., 8 “A”, “Türkmendeňizderýaýollary” agentligi. Goşmaça maglumat üçin:
Telefon: (+99365) 54-44-51, (+993 243) 6-07-46, 6-07-42. Faks: (+993 243) 6-07-44.
“Türkmendeňizderýaýollary” agentligi gatnaşyjylar tarapyndan arzalary taýýarlamakda we tabşyrmakda çykan çykdajylar üçin jogapkärçilik çekmeýär.
ORIENT news
