Samsung täze enjamy satyn almazdan ulanyjylaryň köne smartfonlaryny satyn alyp başlaýar
Samsung kompaniýasy “Galaxy Easy Compensation” atly täze maksatnamanyň işläp başlandygy barada habar berdi. Bu maksatnama ulanyjylara täze enjamy satyn almak borçnamasyz köne smartfonlaryny satmaga mümkinçilik berer.
Bu başlangyç elektron galyndylaryny azaltmaga hem-de köne elektronikany gaýtadan işlemäge ýardam etmäge gönükdirilendir. Ol durnukly ösüşe we ekologiýa tarap möhüm ädim bolup durýar.
Maksatnama Günorta Koreýada 2025-nji ýylyň 14-nji fewralynda badalga alyp, soňra bolsa beýleki ýurtlara ornaşdyrylar.
Maksatnama gatnaşmak Galaxy S20 modelinden başlap, Galaxy Z Flip5 modeline çenli mümkindir. Ulanyjylar Samsung saýtynda öz enjamynyň ýagdaýyny barlap bilerler, hem-de teklip edilen nyrh bilen ylalaşýan bolsalar, eltip berijiniň kömegi bilen telefonyny ugradyp bilerler. Hünärmenler enjamyň ýagdaýyny barlap, onuň “Örän gowy”, “Gowy” ýa-da “Gaýtadan işleme” ýaly toparçasyna esaslanyp, gutarnykly nyrhy teklip ederler.
Günorta Koreýada ähli amallar Likewize hyzmatdaş-kompaniýa tarapyndan amala aşyrylar. Ol ýygnama we tölegleriň tölenilmegi bilen meşgullanar.
ORIENT news
