GoViral75 atly ýaş öňdebaryjylar üçin maksatnamasyna arzalar kabul edilýär
GoViral taslamasynyň çäginde Merkezi Aziýanyň ýaş öňdebaryjylary üçin GoViral75: Emerging Leaders Fellowship maksatnamasyna arzalar kabul edilip başlady. Maksatnama sebit ýurtlarynyň arasyndaky gatnaşyklary güýçlendirmek maksady bilen media, işewürlik, medeniýet we tehnologiýa ugurlaryndaky ýaşlaryň başlangyçlaryny goldamaga gönükdirilendir.
Emerging Leaders Fellowship maksatnamanyň çäginde işewürlik we dizaýn-pikirlenişi, başarnyklary ösdürmek boýunça seminarlary (workşoplary), Merkezi Aziýanyň ähli ýurtlarynda birnäçe festiwallary, sebitleýin maslahaty, şeýle hem maksatnamanyň tutuş dowamynda maslahat beriji sessiýalary geçirmek meýilleşdirilýär.
Merkezi Aziýa ýurtlaryndan 18-35 ýaş aralygyndaky media, işewürlik, medeniýet, tehnologiýa we adam hukuklary pudagynda tejribesi ýa-da häzirki wagtda işjeňligi bar bolan ýaş işjeňler ýüz tutup bilerler. Şeýle hem iň oňat taslamalar üçin kiçi grantlar bar: işewür pikirleri durmuşa geçirmek üçin 10 ugur, döredijilik taslamalaryny durmuşa geçirmek üçin 8 ugur we media taslamalaryny işläp taýýarlamak üçin 5 grant.
Arzalar 2025-nji ýylyň 25-nji ýanwaryna çenli kabul edilýär (23:59 GMT +5). Arzany şu salgyda dolduryp bilersiňiz.
GoViral taslamasy Türkmenistanda eýýäm 4 ýyl hereket edýär. Sebitleýin maksatnama ABŞ-nyň Döwlet departamentiniň başlangyjy bolup, ABŞ-nyň Merkezi Aziýa ýurtlaryndaky diplomatik wekilhanalary tarapyndan goldanýar. Taslama durmuş innowasiýalary ösdürmegi we işewürlik, media, medeniýet we tehnologiýa pudaklarynynda öňe gidişligi gazanmagy maksat edinýär. Taslama barada has giňişleýin maglumaty sosial ulgamyň sahypasynda tapyp bilersiňiz.
ORIENT
