CNPC kompaniýasynyň Türkmenistandaky şahamçasy aşaky bäsleşik boýunça taýýarlykdan öňki işlerini yglan edýär

Ýanwar 10, 2025 | 10:36 |9612

Hytaýyň “International Ltd.” milli nebitgaz korporasiýasynyň Türkmenistandaky şahamçasy 2025-2027-nji ýyllarda turşyny işläp taýýarlamak we gatlagyň turşy gidroberkligini barlamak (TIT we GTGB) boýunça hyzmatlary ýerine ýetirmek barada bäsleşigi boýunça taýýarlykdan öňki işlerini yglan edýär.

Hyzmatlar üçin gerekli enjamlar we işgärler:

1. Ýokary basyşly dürli sorujylar, manifoldlar, hakyky wagtda monitoring ulgamlary, materiallar, enjamlar we işgärler üçin ulag serişdeleri, dürli himiki reagentleri garmak ulgamy, barlaghana, düýpli seljerme, sorujy-gysyjy turbalar, tamamlaýjy gurallar we beýlekiler.

2. Kadadan çykýan ýokary gatlak basyşly we düzüminde agressiw komponentler bar bolan gaz ýataklarynda hyzmatlary ýerine ýetirmek üçin ýokary taýýarlykly iş topary.

Bu bäsleşige gyzyklanma bildirýän islendik kompaniýa aşakdaky resminamalary hödürläp, bäsleşige gatnaşmak üçin arzalary tabşyryp bilýär:

1. Ýolbaşçynyň goly bilen tassyklanan we möhürlenen bäsleşige gatnaşmak barada resmi arza;

2. Esasy iş/işewürlik görnüşi, kompaniýanyň doly adynyň we hukuk derejesiniň, gurluşynyň we guramanyň görkezilmegi bilen kompaniýa barada gysgaça maglumat;

3. Gatnaşyjynyň kompaniýasynyň hasaba alnyş resminamalary;

4. Audit gullugy tarapyndan tassyklanan soňky 3 ýylyň maliýe hasabatlary;

5. Soňky 3 ýylyň içinde TIT we GTGB hyzmatlaryny ýerine ýetirmek boýunça tejribesi;

6. Gerekli enjamlaryň barlygy, häzirki ýagdaýy we ýerleşişi;

7. Türkmenistanyň Telekeçiler we senagatçylar birleşmesine girýänligi barada hasaba alnyş şahadatnamasynyň nusgasy.

Arzalaryň soňky kabul ediş senesi bildirişiň köpçülikleýin habar beriş serişdelerinde neşir edilenden soňra 10 (on) senenama gününiň dowamy. Bellenen möhletden soň gelen taýýarlykdan öňki resminamalar kabul edilmeýär.

Gyzyklanma bildirýän kompaniýalaryň taýýarlykdan öňki resminamalary iňlis we rus dillerinde taýýarlanyp, bagjyklanan we sahypa sany görkezilen görnüşinde, pugta ýapylan bukjada, möhür bilen tassyklanan görnüşinde hem-de ugrukdyryjy haty bilen bile bolmaly (2 sany nusgada, resminamanyň doly möçberindäki skanirlenen görnüşi hökmäny ýagdaýda salynan bolmaly). Bukjada barmaly salgysy, ugradyjynyň ady, bäsleşigiň san belgisi we ady görkezilmeli.

Gatnaşmak baradaky maglumatlary we taýýarlykdan öňki resminamalary şu salgy boýunça ibermeli: Türkmenistan, Aşgabat ş., Bitarap Türkmenistan şaýoly, 553/3.

Habarlaşmak üçin: Narine Simonýan

Telefon: +99312 44-54-34

Faks: +99312 44-50-44.

ORIENT news