Türkmen ilçisi Kataryň Daşary işler ministrliginiň Diplomatiýa institutynyň direktory bilen duşuşyk geçirdi

Ýanwar 10, 2025 | 09:02 |5653

Türkmenistanyň Katar Döwletindäki ilçisi Myratgeldi Seýitmämmedow Katar Döwletiniň Daşary işler ministrliginiň Diplomatiýa institutynyň direktory Abdulaziz bin Muhammed Al-Horr bilen duşuşyk geçirdi.

Duşuşygyň başynda ilçi Türkmenistanda 2025-nji ýyly “Halkara parahatçylyk we ynanyşmak” ýyly diýlip yglan edilendigi hem-de bu ýylda Türkmenistanyň Hemişelik Bitaraplygynyň 30-ýyllygy mynasybetli geçiriljek çäreler bilen tanyşdyrdy.

Duşuşygyň dowamynda Türkmenistanyň Daşary işler ministrliginiň Halkara gatnaşyklar instituty bilen Katar Döwletiniň Daşary işler ministrliginiň Diplomatiýa institutynyň arasyndaky ikitaplaýyn Ähtnamanyň çäklerinde alnyp barylýan işler ara alnyp maslahatlaşyldy.

ORIENT news