TOPH gaz geçirijisi: Owganystan we Türkmenistan işleri çaltlaşdyrmak meselesini ara alyp maslahatlaşýar
2025-nji ýylyň 4-nji ýanwarynda Kabul şäherinde Owganystanyň dag-magdan we nebit ministriniň wezipesini ýerine ýetiriji Hedaýatulla Badri bilen TAPI Pipeline Company Limited kompaniýasynyň Baş direktory Muhammetmyrat Amanowyň arasynda duşuşyk geçirildi.
Duşuşygyň dowamynda taraplar Türkmenistan – Owganystan – Pakistan – Hindistan (TOPH) gaz geçirijisi taslamasynyň soňky gazananlary, şeýle hem taslamanyň galan işleri tizleşdirmek bilen bagly meseleler ara alnyp maslahatlaşyldy.
Duşuşykda Owganystanyň raýatlary üçin täze iş orunlarynyň döredilmegine, şeýle hem taslama gatnaşýan owgan inženerleriniň hünär derejesiniň ýokarlandyrylmagyna aýratyn üns berildi.
Dekabr aýynda Türkmenistanyň wekiliýeti Owganystanyň çägindäki Serhetabat – Hyrat böleginde gurluşyk işleriniň gidişi bilen tanyşdy. Bu bölegiň gurluşygy 2024-nji ýylyň sentýabr aýynda başlandy we TOPH gaz geçiriji taslamasynyň durmuşa geçirilmeginde möhüm tapgyr bolup durýar. TOPH gaz geçirijisiniň taslamasynyň “Arkadagyň ak ýoly” diýip atlandyrylan Serhetabat — Hyrat bölegi, Türkmenistanyň nebit-gaz toplumynyň 2025-nji ýyl üçin iş meýilnamalarynda meýilleşdirildi. Bu, taslamanyň Türkmenistan üçin ähmiýetini we mundan beýläk-de durmuşa geçirmäge bolan islegini tassyklaýar.
ORIENT news
