Hytaýda pensionerlere robotlar kömek eder
Hytaýda pensionerlere kömek etmek üçin robotlary ulanmaga niýetlenen tehnologiýalar işläp taýýarlanylýar.
2023-nji ýylyň ahyrynda 65 ýaşdan geçen ilat sany 216,76 mln adama ýetdi (umumy ilat sanyndan 15,4 %). Munuň ýaly gartaşýan ilat şertlerinde adama meňzeş robotlaryň ornaşdyrylmagy zerurlyk hasaplanylýar. Bu robotlar enekeleriň wezipelerini ýerine ýetirip, ýaşuly adamlara gündelik durmuşynda kömek etmek bilen, olaryň howpsuzlygyny we rahatlygyny üpjün eder.
Hytaýyň Kommunistik partiýasynyň Merkezi komiteti tarapyndan tassyklanan özgertmeleriň çäklerinde ýaşuly adamlaryň zerurlyklaryny hyzmatlaryň teklip edilmegi bilen birleşdirýän bitewi milli maglumat platformasynyň döredilmegi göz öňünde tutulýar.
Mundan başga-da, akylly öý ulgamlary işläp taýýarlanyp, olar ýaşuly adamlaryň howpsuzlygy üçin howplaryň öňüni almaga ýardam eder. Robotlaryň hödürläp bilýän duýgylyk goldawy hem esasy ugurlaryň biri bolup durýar. Şeýlelikde, olar duýgudaşlyk bildirip, adamlar bilen özara gatnaşygy saklamaga ukyplydyr. Ýaşuly adamlar üçin duýgy gatnaşyklary aýratyn ähmiýete eýedir.
ORIENT news
