Meta kompaniýasy maglumatlary barlamak ulgamyny üýtgetmegi meýilleşdirýär
Facebook we Instagram ýaly sosial platformalary bilen meşhur bolan Meta kompaniýasy maglumatlary barlamak ulgamynda möhüm üýtgetmeler barada habar berdi.
Ýakyn aýlarda Meta ABŞ-da maglumatlary barlamak boýunça hünärmenlerini “ulanyjylaryň bellikleri” diýlip atlandyrylýan täze ulgam bilen çalyşmagy göz öňünde tutýar. Bu ulgam Ilon Mask tarapyndan döredilen X platformasyny ýatladar.
Täze ulgamyň çäklerinde ulanyjylar şübheli maglumatlara ýazgy goşup bilerler, beýleki gatnaşyjylar bolsa bu bellikleriň peýdalylygyny bahalandyryp bilerler.
Şeýle-de, Meta bikanun we düýpli bozulmalara ähmiýet bermek bilen mazmunyň moderasiýasynyň düzgünlerini aňsatlaşdyrmagy göz öňünde tutýar. Bu hem bildirişleriň duýdansyz aýrylmagynyň sanyny azaldar. Bu üýtgetmeler üýtgäp durýan syýasy we durmuş landşaftyna uýgunlaşmaga gönükdirilen kompaniýanyň has uly strategiýasynyň bir bölegi bolup durýar.
Kompaniýanyň baş direktory Mark Sukerberg bu ädimiň söz azatlygy bilen baglanyşykly kompaniýanyň başlangyç köklerine gaýdyp gelmegine gönükdirilendigi barada belledi.
ORIENT
