Türkmenistan we Saud ösüş gaznasy Karz ylalaşygyna gol çekdiler
2025-nji ýylyň 7-nji ýanwarynda Türkmenistanyň Döwlet daşary ykdysady iş bankynda Türkmenistanyň hökümetiniň we Saud ösüş gaznasynyň arasynda 300 mln saud riala barabar bolan Karz ylalaşygyna gol çekmek dabarasy geçirildi.
Karz serişdeleri Mary welaýatynda 200 orunlyk onkologiýa merkeziniň gurulmagyna gönükdiriler.
Resminamalara Saud ösüş gaznasynyň ýerine ýetiriji direktory Sultan Abdulrahman Al-Marşad hem-de Türkmenistanyň Döwlet daşary ykdysady iş bankynyň başlygy Rahymberdi Jepbarow gol çekdiler.
Ylalaşyga Saud ösüş gaznasynyň ýerine ýetiriji direktorynyň Türkmenistana amala aşyran saparynyň çäklerinde gol çekildi. Sultan Abdulrahman Al-Marşad Türkmenistanyň Prezidenti Serdar Berdimuhamedow bilen duşuşdy.
Saud ösüş gaznasy ozal milli we halkara taslamalaryň birnäçesiniň, şol sanda saglygy goraýyş, ulag we kommunikasiýa, maliýe ulgamlarynyň taslamalarynyň maliýeleşdirilmegine gatnaşdy.
ORIENT news
