Çehiýaly sürüjisi ýük awtoulaglary görnüşinde “Dakaryň” tapgyrynda ýeňiji boldy
“Toyotada” awtoulagyny sürýän çeh Martin Masik, ýük awtoulaglary görnüşinde Saud Arabystanynda bolup geçýän “Dakar” rally-marafonynyň ikinji tapgyrynda ýeňiji boldy.
Ol iki günläp dowam eden uzynlygy 967 km bolan ýörite aralygy 12 sagat 10 minut 51 sekuntda geçdi. Ondan soň bolsa watandaşy Ales Loprais (Iveco; 9 minut 43 sekunt yzda) we litwaly Vaidotas Zala (Iveco; +18.52) geçdi.
Ýolsuz ýerden ýöreýän awtoulaglaryň derejesinde “Toyota”-da saudly Ýazid Al-Raji (10:56.54), ikinji orunda GAR-nyň wekili Henk Lategan (+4.16) “Toyota”, üçünji orny katarly Nasser Al-Attiýa (+6.29) eýeledi.
SSV klassynda çylşyrymly ýol şertlerinden geçmäge ukyply ulaglaryň arasyndaky amerikaly Brok Heger (Polaris, 11:57.43) öňdeligi eýeledi, ondan soň fransuz Kawier de Soultre (Polaris, +7.26) we portugaliýaly Aleksandr Pinto (BRP, +38.08). “Challenger” klassynda ýeňşi gollandiýaly Pol Spierings (Taurus, +11: 57.48) gazandy, argentinaly Nikolas Kawilýasso (Taurus, +0.02) ikinji, amerikaly Korbin Liwerton (Taurus, +3.01) üçünji boldy.
Motosikleriň arasynda awstraliýaly Daniel Sanders (KTM, 11:12.13), tapgyryň ýeňijisi boldy, amerikan Skaýler Hous (Honda, +7.37) ikinji, ispaniýaly Toşa Skareýna (Honda, +7.41) üçünji boldy.
Umumy hasapda ýük awtoulaglarynyň arasynda Masik (17:24.29), ýolsuz ýerden ýöreýän awtoulaglaryň – Lategan (15:40.30), SSV – de Sultre (16:57.52), Challenger – Kawilýasso (16:45.02), motosiklleriň arasynda – Sanders (16:10.31) öňdeligi saklaýarlar.
