Gazagystanda syrgyn wagty 95 ulag zynjyrlaýyn çaknyşdy
Gazagystanyñ Kogam we Karatal obalarynyñ arasyndaky Astana-Şuçinks ýolunda ümrüñ we ygally howanyñ netijesinde takmynan ýüz ulag çaknyşdy.
Deslapky maglumatlara görä, howanyñ ýaramazlaşmagy bilen ýol sagat 07:00-da ýapyldy. Günortan ýolda galan sürüjileriñ ýanyna ýörite tehnikaly polisiýa gullugy kömege geldi. Kerwen Şuçinsk tarapa ugrap, bir sagatdan soñra ýol heläkçiligi bolup geçdi.
Deslapky maglumatlara laýyklykda, sürüjileriñ biri tizligini ýokarlandyryp, zynjyrlaýyn çaknyşygy döretdi. Gazagystanyñ Adatdan daşary ýagdaýlar boýunça ministrliginiñ berýän maglumatlaryna görä, wakanyñ bolup geçen ýerinde 48 halas edijiler we ýörite tehnikanyñ 16 birlikleri işläp dur. Ulaglaryñ ewakuasiýasy geçirilýär, sürüjiler üçin ýyladyş nokatlary açyldy. Iki sany heläkçilige ugran adamlaryñ hassahana ýerleşdirilendigi barada habar berilýär.
Köpçülikleýin ýol heläkçiliginiñ netijesinde köpkilometrlik dyknyşygy emele geldi. Ýol 20 sagatlyk ýapyldy. Şeýle-de, howanyñ ýaramazlaşmagy sebäpli Gazagystanyñ alty welaýatynda 11 sany awtoýollar ýapyldy.
ORIENT news
