“Real” az oýunçy bilen myhmançylykda “Walensiýadan” üstün çykdy
Duşuşyk myhmanlaryň 2:1 hasabynda ýeňşi bilen tamamlandy. Ugo Duronyň 27-nji minutda geçiren goluna madridliler Luka Modriçiň (85-nji minut) we Juda Bellingemiň (90 + 6) dürs urgylar bilen jogap berdi.
79-njy minutda Winisius meýdançadan çykarylandan soň “Real” az düzümde oýnady. Braziliýaly oýunçy “Walensiýanyň” derwezewanynyň arkasyndan iteklänini üçin gyzyl kartoçka aldy. Emin bilen dawadan soň, Winisiusy ýoldaşlary egin-eşik çalçyrylýan otaga äkitdiler. Belläp geçsek, 2024-nji ýylyň oktýabr aýynda dalaşgär hasaplanýan Winisius abraýly “Altyn top” baýragyna ses berlişikde “Mançester Sitiniň” Ispaniýaly ýarym goragçysy Rodridan yza galdy. Şol bir wagtyň özünde, dekabr aýynda Winisius FIFA-nyň “The Best” dabarasynda 2024-nji ýylyň iň gowy futbolçysy diýlip ykrar edildi.
ORIENT
