TDHÇMB-da söwdalaşyklar: suwaldylan gaz, “SN-600” markaly esas ýagy we nah ýüplükleri satyn alyndy
2-nji ýanwarda, penşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa we ýeňil senagaty önümleri ýerlenildi.
Owganystanyň telekeçileri “Türkmennebit” Döwlet konserni bilen suwaldylan gazy satyn almak barada geleşik baglaşdylar.
Türkmenistanyň işewür toparlarynyň wekilleri “Türkmennebit” Döwlet konserni bilen “SN-600” markaly esas ýagyny satyn almak barada geleşikleri baglaşdylar.
Türkmenistanyň Dokma senagaty ministrliginden türkmen telekeçileri nah ýüplüklerini satyn aldylar.
Söwdalaşyklaryň netijesinde umumy bahasy 802 750 amerikan dollara we 7 165 000 manada barabar bolan 4 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bilersiňiz.
ORIENT news
