Saud Arabystany ähli elektron enjamlary üçin USB-C görnüşindäki kuwwat beriji portlaryny ulanmagy hökmany edýär
Saud Arabystany 2025-nji ýylyň 1-nji ýanwarynda güýje girýän ähli elektron enjamlar üçin kuwwat beriji protlaryň hökmany standartynyň girizilmegi barada habar berdi.
Bu geçişiň birinji tapgyrynyň çäklerinde täze smartfonlar we gulak enjamlar, klawiatura we kolonka ýaly goşmaça enjamlar USB-C görnüşindäki porty bilen enjamlaşdyrylar.
2026-njy ýylyň 1-nji aprelinde başlajak ikinji tapgyr noutbuklara we portatiw kompýuterlere, şol sanda planşetlere degişli ediler.
Saud Arabystanynyň Standart, metrologiýa we hil baradaky guramasynyň Aragatnaşyk, älem we tehnologiýa baradaky topary bilen bilelikde öňe süren bu çözgüdi enjamlaryň ulanşyny aňsatlaşdyrmaga hem-de elektron zyňyndylaryny azaltmaga gönükdirilendir.
Munuň ýaly çäreler eýýäm Ýewropa Bileleşiginde we Braziliýa ýaly beýleki ýurtlarda girizilendir. USB-C görnüşli portlaryna geçmegiň ulanyjylara 170 mln golaý saudy riallaryny (takmynan 45 mln dollar) tygşytlamaga we gerekmejek kuwwat beriji enjamlary ýylda 2,2 mln birlikler möçberinde azaltmaga mümkinçilik berjekdigine garaşylýar.
ORIENT news
