Hytaýda dünýäniñ iñ çalt elektrik otlynyñ ilkinji görnüşleri bilen tanyşdyrdylar
Pekinde CR450 dünýäniñ iñ çalt elektrik otlynyñ ilkinji görnüşleri bilen tanyşdyrdylar. Ol 400 km/s tizlik bilen hereket edip biler.
Taslama "Hytaýyñ demir ýollary" Döwlet korporasiýasy tarapyndan işläp taýýarlandy. Synaglaryñ netijesinde otly 450 km/s iñ ýokary tizligini görkezdi. Bu hem ýokary tizlikli demir ýol ulaglary pudagy boýunça Hytaýyñ gazananlaryny açyp görkezýär.
Täze otly häzirki wagtda hereket edýän CR400 modellerinden ep-esli derejede çalt. Hytaýyñ demir ýollary CR450 otlynyñ tehniki aýratynlyklaryny gowulandyrmak maksady bilen demir ýol ugurlarynda goşmaça synaglary geçirmegi hem-de onuñ tiz wagtda täjirçilik ulanşyna girizmegi üpjün etmegi meýilleşdirýär.
Bu otlunyñ Hytaýyñ ulag infrastrukturasynyñ ösüşinde möhüm ädim bolup, ýolagçy daşalmalarynyñ netijeliligini ýokarlandyrjakdygyna garaşylýar.
ORIENT news
