Türkmenabatda ýaşlar üçin şekil dizaýn boýunça tölegsiz kurs başlaýar
Türkmenabatda “TechYouth Bootcamp” maksatnamasynyň ikinji tapgyryna ýazylmak üçin açykdyr. USAID-iň häzirki zaman başarnyklaryny ösdürmek taslamasy, “Talim” okuw merkezi bilen hyzmatdaşlykda ýaşlara şekil (grafika) dizaýneri hünärini tölegsiz öwrenmäge ajaýyp mümkinçilik hödürleýär.
Okuw 2025-nji ýylyň ýanwar-iýul aýlarynda geçiriler. Maksatnama gatnaşyjylar häzirki zaman dizaýn gurallaryny öwrenmäge, döredijiligi ösdürmäge we bu ugurda işlemek üçin zerur amaly endiklere eýe bolmaga mümkinçilik alarlar.
Bu okuw ýaş hünärmenleri taýýarlamaga gönükdirilen we talap edilýän hünäri maliýe çykdajylary bolmazdan almaga mümkinçilik berýär. Sapaklary tejribeli mugallymlar alyp barar hem-de nazary we amaly sapaklary öz içine alar.
Maglumatlar bu ýerde
ORIENT
