Aşgabatda süýt kombinaty gurlar
Aşgabatda dünýä standartlaryna laýyk gelýän ýylda 7 500 tonna süýdi hem-de 1 500 tonna çenli guradylan süýdi gaýtadan işleýän süýt kombinatynyň gurulmagy meýilleşdirilýär.
Munuň bilen baglylykda, Türkmenistanyň Azyk senagaty döwlet birleşigi halkara bäsleşiginiň geçirilmegi barada habar berdi. Bildiriş “Нейтральный Туркменистан” gazetiniň şu günki sanynda neşir edildi.
Bäsleşik teklipleri resmi neşir edileninden soňra 30 iş gününiň dowamynda kabul edilýär.
Halkara bäsleşige gatnaşmak üçin tehniki ýumşy we arzanyň görnüşini Türkmenistanyň Azyk senagaty döwlet birleşiginde alyp bolýar. Salgysy: Aşgabat ş., Arçabil şaýoly, 92 (iş otagy B 327).
Goşmaça maglumat üçin aşakdaky telefon belgilerine ýüz tutup bilersiňiz:
44-75-48,
44-75-45.
ORIENT NEWS
