Hytaý 2025-nji ýylda 5G özgerişini we 6G innowasiýalary çaltlandyrar
5G özgerişiň we 6G innowasiýalaryň öňe sürülmegi geljek ýylda Hytaý hökümetiniň ileri tutýan ugurlarynyň biridir.
Ýurduň Senagat we maglumat tehnologiýalar ministrliginiň öz iş maslahatynda habar bermegine görä, Hytaý 2025-nji ýylda 4,5 mln 5G esas stansiýalarynyň gurulmagyny meýilleşdirýär.
5G ulgamynyň öňe sürülmegi bilen bir hatarda Ministrlik ulgamlaýyn we hasaplaýyş kuwwatlyklarynyň arasyndaky birsydyrgyn integrasiýany üpjün etmek üçin 10 Gb optiki ulgamlarynyň barlaglarynyň geçirilmegini hem-de hasaplaýyş kuwwatlylyk merkezleriniň işjeňleşdirilmegini teklip edýär.
Ministrligiň çaklamalaryna laýyklykda, Hytaýyň senagat önümçiligi, garaşylýandygy ýaly, ýyl hasaplamasynda 5,7 % ýokarlanyp, içerki önümiň ösüşine durnukly goşandyny saklar.
Telekommunikasiýa pudagyndan, programma üpjünçiliginden hem-de IT-hyzmatlaryndan gelýän girdejiler ýyl hasaplamasynda takmynan 11 % öser.
Bioönümçilik, kwant tehnologiýalar, nusga intellektiň we atom derejesinde önümçilik babatda hem innowasion syýasat kabul ediler. Ministrlik BeiDou nawigasiýa hemra ulgamynyň ulanylyşyny giňeltmek boýunça meýilnamalaryny hem mälim etdi.
ORIENT news
