Turkish Airlines awiakompaniýasy Ginnesiñ rekordlar kitabyna girizildi
Dünýäniñ iñ köp ýurtlaryna uçuşlary amala aşyrýan awiakompaniýasy hökmünde 2012-nji ýyldan bäri bu ady saklap gelýän Turkish Airlines (THY) awiakompaniýasynyñ bu üstünligi Ginnesiñ rekordlar kitabyna bellige alyndy. THY Ginnesiñ rekordlar kitabyna "Iñ köp ýurtlara uçuşlary amala aşyrýan awiakompaniýasy" ugur boýunça öz adyny girizdi.
Çiliniñ paýtagty Santýago şäherindäki Arturo Merino Benites halkara howa menzilinden amala aşyran ilkinji uçuşyndan soñra Şahadatnama THY awikompaniýasynyñ baş direktory Bilal Ekşiýe gowşuryldy.
Ginnesiñ rekordlar kitabynyñ wekilleriniñ hem-de THY awiakompaniýasynyñ ýolbaşçylarynyñ gatnaşmagyndaky dabarada Turkish Airlines-yñ baş direktory Ekşi öz çykyşynda awiakompaniýanyñ täze girizilen ugry Santýagoda bolanyna örän şatdygy barada aýtdy.
10 ýyldan gowrak bu hukuga eýe bolan ýeke-täk awiakompaniýa hökmünde öz uçuş ulgamynyñ giñligini buýsanç bilen görkezýändigi barada belläp, Ekşi şeýle diýdi: " Biz bütin dünýäde adamlary, medeniýetleri we barmaly ýerleri birleşdirmek wezipämizi pugtalandyrýarys".
Ginnesiñ rekordlar kitabynyñ baha beriş talaplaryna laýyklykda, 120 ýurda uçuşlary amala aşyrmak bilen Turkish Airlines rekord goýdy. Olar diñe soñky 12 aýyñ dowamyndaky işjeñ ugurlaryny görkezýär. Wagtlaýyn duruzulan we 19-njy dekabrda amala aşyrylan Çilä bolan ilkinji gatnawyny hasaba almak bilen, Turkish Airlines awiakompaniýasynyñ uçuş ulgamy 131 sany ýurdy öz içine alýar.
ORIENT NEWS
