"Türkmenistan" awiakompaniýasy 30-njy we 31-nji dekabrda Moskwadan Aşgabada ýolagçylaryñ daşalmagyny amala aşyrar
"Türkmenistan" awiakompaniýasy 30-njy we 31-nji dekabrda Moskwa-Aşgabat gatnawyna biledi bar bolan ýolagçylaryñ daşalmagyny amala aşyrýar.
Ýolagçylaryñ daşalmagy Moskwa-Stambul böleginde üçünji tarap daşaýjynyñ çekilmegi bilen Moskwa-Stambul-Aşgabat alternatiw ugur boýunça amala aşyrylar. Bu barada awiakompaniýa sosial ulgamlarda habar berdi.
Bar bolan biletler uçuş üçin goşmaça tölegsiz hereket edýär. Awiakompaniýa ýolagçylardan Moskwa-Stambul-Aşgabat gatnawyna bellige alnyşy geçmek üçin biletde görkezilen uçuş wagtyndan üç sagat öñünden Domodedowo howa menziline gelmeklerini haýyş edýär.
30-njy dekabrda bellige alnyş wagty sagat 01:00.
31-nji dekabrda bellige alnyş wagty sagat 03:55.
Ýolagçylaryñ ýükleri Aşgabat gutarnykly nokada çenli bellige alnar. Stambuldan uçuş üçin wiza zerur däl. Geljekki seneler barada maglumatlar goşmaça habar beriler.
ORIENT NEWS
