Türkmenistanda 2025-nji ýyl “Halkara parahatçylyk we ynanyşmak ýyly” diýip yglan edildi
27-nji dekabrda, anna güni Türkmenistanyň Prezidenti Serdar Berdimuhamedow Ministrler Kabinetiniň we Döwlet howpsuzlyk geňeşiniň giňişleýin mejlisini geçirdi. Mejlisiň dowamynda 2025-nji ýylyň ýurtda “Halkara parahatçylyk we ynanyşmak ýyly” şygary astynda geçjekdi resmi taýdan yglan edildi.
Şygar halkara jemgyýetçiliginiň goldawyna eýe bolan Türkmenistan tarapyndan öňe sürlen başlangajyň çäginde teklip edildi. BMG-niň Baş Assambleýasy 2024-nji ýylyň 21-nji martynda 2025-nji ýyly Halkara Parahatçylyk we ynanyşmak ýyly diýip yglan etmek kakyndaky kararnamany biragyzdan kabul etdi. Kararnamanyň awtordaşlary bolup 86 döwlet çykyş etdi.
Mejlisiň Başlygy Dünýägözel Gulmanowa mejlisde geljek ýylyň şygaryny we nyşanyny kesgitlemek üçin geçirilen işleriň netijeleri barada maglumat berdi. Türkmenistanyň Mejlisi, ýurduň halk köpçüliginden alnan tekliplere esaslanyp, geljek ýyly “Halkara parahatçylyk we ynam ýyly” diýip yglan etmek baradaky karary taýýarlady. Şeýle hem geljek ýylyň nyşany hödürlendi.
Türkmenistanyň Prezidenti hemişelik Bitaraplygynyň 30 ýyllygynyň giňden bellenilip geçiljek 2025-nji ýyl Türkmenistan üçin möhüm tapgyr bolar diýip belledi. Dabaralary utgaşdyrmak üçin Türkmenistanyň Halk Maslahatyna ynanylan Guramaçylyk döwlet toparyny döredildi.
Prezident, Türkmenistanyň daşary syýasatynyň esasyny düzýän parahatçylykly ýaşaşmak we dialog pelsepesini durmuşa geçirmegini dowam etdirjekdigini aýtdy.
ORIENT
