TDHÇMB-da söwdalaşyklar: reňklenen waflýa matasy, pagta süýümleri we soekstruzion gaplaýjy örtügi satyn alyndy
Dekabr 27, 2024 | 08:50 |5104
26-njy dekabrda, penşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda oba hojalyk, nebit-himiýa we ýeňil senagaty önümleri ýerlenildi.
BAE-niň telekeçileri Türkmenistanyň işewür toparlarynyň wekilleri bilen reňklenen waflýa matasyny satyn almak barada geleşik baglaşdylar.
Türkmen işewürleri pagta süýümlerini satyn aldylar.
“Türkmennebit” Döwlet konserninden olar soekstruzion gaplaýjy örtügini satyn aldylar.
Söwdalaşyklaryň netijesinde umumy bahasy 43 035 950,44 manada we 44 400 amerikan dollara barabar bolan 4 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanyşyp bilersiňiz.
ORIENT news
