Türkmenistanyň Prezidenti Azerbaýjan Respublikasynyň Prezidentine uçar heläkçiligi bilen baglanyşykly gynanç bildirdi
Türkmenistanyň Prezidenti Serdar Berdimuhamedow Azerbaýjan Respublikasynyň Prezidenti Ilham Aliýewe Mangistau sebitinde Azerbaýjanyň awiakompaniýasynyň raýat uçarynyň ýolagçylarynyň we ekipažynyň pida bolmagy zerarly gynanç hatyny iberdi. Bu baradaTürkmenistanyň Döwlet teleradio ýaýlymynyň habarlarynyň agşamky göýberilişinde habar berildi.
Köpçülikleýin habar beriş serişdelerinde habar berlişi ýaly 2024-nji ýylyň 25-nji dekabrynda Baku-Grozny (Russiýa Federasiýasyna) aralygynda uçýan “Embraer 190” ýolagçy uçarynyň heläkçiligi netijesinde köp sanly adam pidasy boldy. Azerbaýjan Respublikasynyň Prezidentiniň Karary bilen 2024-nji ýylyň 26-njy dekabrynda respublikanyň çäginde matam güni diýip yglan edildi.
25-nji dekabrda irden J2-824 belgili “Embraer 190” uçary Hazar deňziniň üstünden geçip barýarka adatdan daşary ýagdaý barada duýduryş berýär. Soňra uçaryň Aktau şäherinden 3 km uzaklykda heläkçilikli ýagdaýda gonandygy barada belli boldy.
Uçarda 62 ýolagçynyň we ekipažyň 5 agzasynyň bardygy bellenýär. Soňky maglumatlara görä, “Azerbaijan Airlines”-niň uçarynyň heläkçiliginden 32 adam halas boldy we olar häzirki bejergi alýar.
ORIENT
