Türkmenistanyñ raýatlary Russiýanyñ öndebaryjy ýokary okuw mekdeplerinde mugt bilim alyp bilerler
Türkmenistanyñ raýatlarynyñ bakalawr, hünärmen, magistrlik, aspirantura, ordinatura, goşmaça hünär bilimi we kömekçi-tejribeçilik ýaly dürli derejeler boýunça Russiýanyñ öñdebaryjy uniwersitetlerinde mugt bilim almaga ajaýyp mümkinçiligi bolar. Bu barada Aşgabatdaky Rus öýi öz sosial ulgamlarynda habar berýär.
2025/2026-njy okuw ýylynyñ talyp haky (kwota) kampaniýasynyñ dalaşgäri bolmak üçin 2025-nji ýylyñ 15-nji ýanwaryna çenli (şol gün hem girýär) education-in-russia.com resmi saýtda hasabat ýazgysyny döretmek zerurdyr. Hasaba alnanda seçilip alynmagyñ birinji tapgyry üçin ähli zerur bolan resminamalaryñ berkidilmegi möhümdir.
Hasaba alnandan soñ "Arzany ibermek" düwmesine basmak hökmanydygyna üns bermeli. Arzañyzyñ ýagdaýy "Garalamadan" "RZU barlagynda" diýen ýazga üýtgemelidir.
Türkmenistanyñ raýatlary üçin seçilip alynmagyñ birinji tapgyry üçin gerekli resminamalar:
Sowalnamanyñ skanirlenen nusgasy (ulgam tarapyndan döredilýär); Şahsy maglumatlaryñ işlenilmegine berlen razyçylygyñ skanirlenen nusgasy (ulgam tarapyndan döredilýär);
Türkmenistanyñ biometrik pasportynyñ skanirlenen nusgasy;
Bilim baradaky resminamanyñ skanirlenen nusgasy (öñki synpyñ jemleýji bahalarynyñ hasabaty/mekdebi tamamlandygy barada attestat ýa-da ýokary bilim barada diplom).
"Daşary ýurtlylar üçin Russiýa Federasiýasynda bilim" atly hyzmat ulgamy "Daşary ýurtlylar üçin Russiýa Federasiýasynda bilim" Döwlet maglumat ulgamy (DMU "ORFI") esasynda ýerine ýetirilýär.
DMU "ORFI" başga ýurtdan bolan talyplara (dalaşgärlere, girmäge synanşýanlara, goramaga dalaşgärlere, emma olar entek talyp däl) Russiýada bilim almaga arzalaryny tabşyrmaga hem-de Internet arkaly kabul ediş kampaniýalaryny yzarlamaga mümkinçilik berer. DMU "ORFI" giriş we okuw prosesinde guramaçylyk we durmuş meselelerini çözmek üçin dürli dil üpjünçiligini hödürleýär.
DMU "ORFI" Russiýanyñ uniwersitetlerine daşary ýurtly raýatlary hem-de daşary ýurtda ýaşaýan rus raýatlaryny bilim almaga çekmek üçin döwlet mugt meýdança bolup durýar.
DMU "ORFI" dalaşgärlere (daşary ýurtly raýatlara) aşakdaky mümkinçilikleri döredýär:
Öz ukyplaryny we ösüş mümkinçiliklerini göz öñünde tutup, ýokary okuw mekdebini hem-de okuw maksatnamasyny saýlamak;
Dünýäniñ islendik ýerinden arzalary we resminamalary tabşyrmak, dalaşgär uzak aralykdan söhbetdeşligi we test sowalnamasyny geçip, şeýle hem şikaýatlaryny we ýüz tutmalaryny tabşyryp, olaryñ garalmagyna gözegçilik edip biler;
Russiýada bolmagyñ aýratynlyklary, şol sanda wizany uzaltmagyñ zerurlygy, migrasiýa we bellige hasaba durmak baradaky maglumatlary almak. Goşmaça hyzmatlaryñ (meýletin lukmançylyk ätiýaçlandyryşy, talyp arzanlaşyklary we ş.m.) marketpleýsinden peýdalanmak.
Giñişleýin maglumatlary almak üçin https://education-in-russia.com saýtyna geçiñ.
ORIENT news
