Türkmenbaşyda Gazagystanyñ konsullyk edarasynyň täze binasy açyldy
Türkmenbaşy şäherinde Gazagystanyñ konsullyk edarasynyň täze binasy açyldy. Bu dabaraly çärä Gazagystan Respublikasynyñ Türkmenistandaky Adatdan daşary we doly ygtyýarly ilçisi Nurlan Nogaýew gatnaşdy diýip, Gazagystanyñ Türkmenistandaky ilçihanasynyñ saýtynda habar berilýär.
Bu waka ikitaraplaýyn gatnaşyklaryñ ösdürilmeginde, medeni hyzmatdaşlygyñ pugtalandyrylmagynda we iki ýurduñ raýatlaryna hemaýat edilmeginde möhüm ädim hem-de Türkmenistan bilen Gazagystanyñ arasyndaky dostluk alamaty boldy.
Nurlan Nogaýew iki ýurduñ baştutanlarynyñ arasyndaky dialog Gazagystan bilen Türkmenistanyñ arasyndaky üstünlikli hyzmatdaşlygyñ esasy bolup durýandygy barada aýratyn belläp geçdi.
Şeýle hem, ilçi umumy kabul edilen esaslara ygrarlylyk, umumy taryh we ikitaraplaýyn bähbitleriñ hasaba alynmagy Gazagystan bilen Türkmenistanyñ arasyndaky strategiki hyzmatdaşlygyñ binýady bolandygy barada nygtady. Onuñ aýtmagyna görä, dostlugyñ we özara goldaw bermegiñ däpleri wagtyñ synagyndan geçip, ikitaraplaýyn gün tertibiniñ üstünlikli ösdürilmeginiñ ygtybarly esasy bolup hyzmat edýär.
Balkan welaýatyna iş saparynyñ çäklerinde Nurlan Nogaýew Balkan welaýatynyñ häkimi Hojamyrat Aşyrmyradow we Türkmenbaşy şäheriniñ häkimi Amangeldi Isaýew bilen duşuşyklar geçirdi.
Taraplar energetika, ulag, nebitgaz pydagynda hyzmatdaşlygyñ giñeldilmegi hem-de söwda-ykdysady gatnaşyklaryñ işjeñleşdirilmegi barada maslahatlaşdylar. Iki ýurduñ arasynda söwda dolanyşygyny artdyrmaga ýardam edýän energiýa serişdeleriniñ üstaşyr geçirilmegi hem-de ulag geçelgeleriñ ösdürilmegi bilen baglanyşykly taslamalara aýratyn üns berildi.
Iki ýurduñ halklarynyñ arasyndaky gatnaşyklary pugtalandyrjak bilelikdäki medeni çäreleri, sergileri we festiwallary geçirmek boýunça meýilnamalara garaldy.
Şeýle hem, wekiliýet Türkmenbaşy Halkara deñiz portyna, Garabogazyñ karbamid zawodyna, Türkmenbaşynyñ nebiti gaýdatan işleýän zawodlar toplumyna baryp gördüler.
ORIENT news
