Türkmenistanyň Prezidenti Germaniýa Federatiw Respublikasynyň Prezidentine gynanç hatyny iberdi
Dekabr 23, 2024 | 10:45 |7060
Türkmenistanyň döwlet Baştutany Serdar Berdimuhamedow Germaniýa Federatiw Respublikasynyň Prezidenti Frank-Walter Ştaýnmaýere Magdeburg şäheriniň Täze ýyl bazarynda bolup geçen, pajygaly waka zerarly gynanç hatyny iberdi. Bu barada TDH habarlar agentligi habar berýär.
Döwlet Baştutany şu agyr pursatda gurban bolanlaryň dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de hut öz adyndan ýürekden gynanjyny we medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
