Hazarýaka ýurtlary täjirçilik maksatly bekre balyklary tutmaklygyň gadaganlygyny 2025-nji ýyla çenli uzaltdy
Hazarýaka ýurtlary täjirçilik üçin bekre balygy tutmak gadaganlygyny 2025-nji ýyla çenli uzaltdy. Bu karar Hazar deňziniň suw biologiki serişdelerini gorap saklamak, tygşytly peýdalanmak we bilelikdäki goraghanalaryny dolandyrmak boýunça komissiýanyň Astrahanda geçirilen 8-nji mejlisin dowamynda kabul edildi.
Sessiýa Hazarýaka döwletleriniň ählisiniň wekilleri gatnaşdy: Russiýa, Azerbaýjan, Eýran, Gazagystan we Türkmenistan.
“Taraplar bekre balyklarynyň täjirçilik balykçylygyna girizilen gadagançylygy 2025-nji ýyla çenli uzaltmak we 2025-nji ýylda işbilleri we bekre balyklary üçin eksport kwotalaryny kesgitlemezlik barada ylalaşdylar. Geljek ýyl bekre balyk tutmak, öňküsi ýaly diňe ylmy barlag we emeli köpeltmek maksady bilen amala aşyrylar” – diýip Russiýanyň Federasiýasynyň Federal balykçylyk gullugynyň metbugat gullugynyň habarynda aýdylýar.
Balyk gorlaryny goramak üçin Hazarýaka ýurtlary balyklary goramak we emeli köpeltmek boýunça çäreleri sinhronlaşdyrýarlar. Sessiýanyň dowamynda Hazarýaka döwletleriniň balykçylarynyň forumyny geçirmek, şeýle hem Hazaryň toparynyň ýyllyk býulleteniniň we Hazar deňzini öwrenmek boýunça ylmy makalalaryň ýubileý ýygyndysynyň neşir edilmegi teklip edildi.
Hazar deňziniň suw biologiki serişdelerini gorap saklamak, ýerlikli peýdalanmak we bilelikdäki gorlaryny dolandyrmak boýunça topary 2014-nji ýylyň sentýabr aýynda Azerbaýjan, Eýran, Gazagystan, Russiýa we Türkmenistan wekilleri tarapyndan Astrahanda gol çekilen ylalaşyga laýyklykda döredildi. 2016-njy ýylyň ýazynda bu resminama gatnaşyjy ýurtlaryň hemmesinde tassyklandy we güýje girdi. Ylalaşyk, toparyň gatnaşyjy döwletler üçin hökmany bolan kararlary kabul etmek mümkinçiligini göz öňünde tutýar.
Hazar deňzi – bekre balyklarynyň sany we görnüşleri dürlüligi boýunça dünýädäki iň baý suw howdanydyr. Hazar basseýninde bekre balygynyň iň köp tutulmagy XX asyryň başynda – 39,4 müň tonna, 1970-nji ýyllaryň ahyrynda – 27,4 müň tonna möçberinde hasaba alyndy. 1991-nji ýylda bekre balygynyň sany çalt depginde azalmaga başlady.
ORIENT
