Hytaýda reňkini üýtgedýän smartfon döredildi
Realme hytaý korporasiýasy smartfon-hameleon, ýagny reňkini üýtgedýän smartfon döretdi.
Realme 14 Pro we 14 Pro+ enjamlary barada Kopengagende (Daniýa) geçirilen tanyşdyrylyşda habar berildi.
Android Authority neşiriň habar bermegine laýyklykda, smartfonlar Valeur Designers kompaniýasy bilen bilelikde döredildi.
Enjamyň yzky tarapy hameleon görnüşinde, ýagny gyzgynlyga görä reňkini üýtgedip bilýär. Daşky gyzgynlyk 16 gradusa ýetende, Realme 14 Pro yzky paneli ak merjen reňkinden açyk gök reňke üýtgäp bilýär. Gyzgynlyk 16 gradusdan geçen ýagdaýynda bolsa, panel ýene-de aň reňkine gaýdyp gelýär.
Bu ýyladyş hrom pigmentleriň ulanylmagy bilen mümkin boldy. Wagtyň geçmegi bilen reňk çalyşmak ukyplygy materiallaryň aýratynlygyna görä peselip ugrar.
Realme 14 Pro+ flagman modeli 1,5 K ölçegli we 120 Gs ýygylygy bolan AMOLED -displeýine eýe bolar. Şeýle hem, onuň örän inçe 1,6 mm çarçuwasy bolar. Paneliň galyňlygy 8 mm bolup, suwdan we tozandan goraglylyk derejesi IP69 standartlaryna laýyk gelýär.
Işläp taýýarlaýjylaryň düşündirmegine görä, häzirki wagtda senagatda munuň ýaly çözgütler ýokdur. Hameleon-smartfonlar dürli brendleriň görnüşleriniň arasynda bar, emma olar gyzgynlygyň täsir edişine görä däl-de, ýagtylyş derejesine hem-de gün şöhlelesiniň düşýän burçyna görä reňkini üýtgedýärler.
ORIENT news
