Aşgabatda daşary ýurtly aýdymçylaryñ konsertleri: çykyşlaryñ tertibi
23-28-nji dekabr aralygynda Gyşky görnüşleri boýunça sport toplumynda bir sahnada daşary ýurtly estrada aýdymçylaryny birleşdirjek garaşylýan Täze ýyl baýramçylyk konsertleri geçiriler. Bu aýdym-saz şüweleñi şäherde ajaýyp baýramçylyk pursatlaryny döredip, ýatdan çykmajak duýgylary sowgat berer. Sebäbi bir hepdäniñ dowamynda tomaşaçylara dünýäniñ dürli künjeginden gelen aýdymçylaryñ täsirli çykyşlary garaşýar.
Şeýlelik bilen, 23-nji dekabrda gelip-çykyşy boýunça türkmen bolan eýranly rep aýdymçy Emin Rasen konsertleriñ başyny başlar. Ertesi gün, ýagny 24-nji dekabrda konsertleri bilen özbek ýyldyzy Osman Nawruzow hem-de pop-aýdymçy Olga Şultaýs çykyş ederler.
Osman Nawruzowyñ diñe Özbegistanda däl, eýsem onuñ çäklerinden has daşda meşhurlyk gazanandygyny bellemek gerek. Onuñ "Sog'indim" ("Söýgülim") aýdymy Internetde 81 mln gezekden köp görüldi. Olga Şultaýs, Aşgabatda doguldy, "Mille Miglia" aýdymynyñ awtory, şeýle hem kompozitor.
25-nji dekabrda sahna türk ýyldyzy Murat Boz çykar, 26-njy dekabrda bolsa diñleýjiler tunis aýdymçysy Amani Swissiñ çykyşyna tomaşa edip bilerler.
27-nji dekabrdameşhur aýdymçy Arsen Şahuns çykyş eder. Ol öz döredijilik ýoluny Mary şäherinde başlap, häzirki wagtda häzirki zaman estradanyñ halkara ýyldyzy hasaplanylýar.
28-nji dekabrda türk ýyldyzy Gülşen Baýraktar aýdym-saz şüweleñini tamamlar. Onuñ çykyşy baýramçylyk konsertleriñ jemini jemlär. Ähli konsertler Gyşky görnüşleri boýunça sport toplumynda (Buzly köşk) sagat 18:00-da geçiriler. Biletleri toplumyñ kassalarynda satyn alyp bolar.
