TEKNOFEST-2025 festiwalynyň bäsleşiklerine gatnaşmak üçin arzalaryñ kabul edişligi başlandy
Tehnologiýa we innowasiýa dünýäsinde uly gyzyklanma döretjek TEKNOFEST festiwalyna gatnaşmak üçin arzalaryñ kabul edişligi başlandy.
TEKNOFEST-iň çäklerinde durmuş innowasiýalary, Robolig Blue Homeland bäsleşikleri, dron çempionaty geçiriler. Şu ýyl ilkinji gezek HackMasters Blue Homeland bäsleşigi hem guralar.
Şu ýylky TEKNOFEST bäsleşigi Demirgazyk Kipr Türk Respublikasynda geçiriler. Gatnaşyjylaryñ öz taslamalaryny hödürlemäge we ösdürmäge mümkinçiligi bolar, toparlar bolsa umumylykda 2,5 mln türk lirasyny alarlar. Olara 3 mln türk lirasy moçberinde maliýe goldawy beriler.
TEKNOFEST-2025 festiwalyň çäklerinde geçiriljek bäsleşikler tehnologiýanyñ dürli ugurlarynda innowasion çözgütleri işläp taýýarlamaga mümkinçilik berer.
Syýahatçylyk pudagynda tehnologiýa bäsleşiginiñ çäginde Türkiýe Respublikasynyň we Demirgazyk Kipr Türk Respublikasynyñ baý medeni mirasy, syýahatçylyk mümkinçiligi, medeniýeti bilen tanyşdyrmak üçin innowasion çözgütler işläp taýýarlanylar. Şol bir wagtda durmuş innowasiýalar bäsleşiginde durmuş meselelerini çözmekde tehnologiýa gönükdirilen döredijilik çemeleşmeler hödürleniler.TEKNOFEST-iň barlag taslamalaryñ bäsleşiginde "Oba hojalygy, daşky gurşaw we energetika" ugry boýunça Demirgazyk Kipr Türk Respublikasynyñ meselelerini çözmekde innowasion çözgütler öwreniler.
Uçýan awtoulaglary modelirlemek bäsleşigi awiasiýa söýüjilerini bu ugurda tejribe almaga çagyrýar, TEKNOFEST Drone Championship TRNC Stage çäklerinde bolsa meýdançada dron ulanmak ugry boýunça täze taslamalar görkeziler. TEKNOFEST Robolig - Blue Homeland bäsleşigi toparlara robototehnika we programmirleme ukyplaryny kämilleşdirmäge mümkinçilik berer. HackMasters Blue Homeland bäsleşigi kiberhowpsuzlyk ugrunda öz zehini açyp görkezmek isleýänler üçin gapylary açar.
TEKNOFEST-2025 festiwalynyň bäsleşiklerine gatnaşmak üçin arzalary tabşyrmak möhleti 15-nji ýanwarda tamamlanýar.
Bäsleşikler barada maglumatlary we gatnaşmak şertlerini bilen festiwalyñ saýtynda tapyp bilersiñiz.
ORIENT news
