Aşgabatda Türkmenistanyň maýa goýum kanunçylygyny döwrebaplaşdyrmak meselesi ara alnyp maslahatlaşyldy
USAID-iň “Türkmenistanda döwlet dolandyryşy” (GAT) taslamasy, ýurduň Maliýe we ykdysadyýet ministrliginiň ýardamy bilen maýa goýum işleri we Türkmenistanyň maýa goýum kanunçylygyny döwrebaplaşdyrmak boýunça halkara öňdebaryjy tejribä bagyşlanan tegelek stol gurady.
Tegelek stolda häzirki zaman maýa goýum strategiýalary we kanunçylyk başlangyçlary bilen paýlaşýan milli we halkara bilermenleriniň çykyşlary, şeýle hem bu tejribeleriň Türkmenistanyň zerurlyklaryna nädip uýgunlaşdyrylyp bilinjekdigi barada tanyşdyryş çäreleri geçirildi.
Tegelek stoluň gatnaşyjylary, halkara ülňülerine laýyklykda maýa goýum kanunçylygyny güýçlendirmek üçin esasy ugurlary we mümkinçilikleri kesgitlediler.
Bu çäreler ABŞ-nyň hökümetiniň Maliýe we Ykdysadyýet ministrligi we Türkmenistanyň beýleki döwlet edaralary bilen hyzmatdaşlygy pugtalandyrmaga ygrarlylygyny tyssyklaýar diýip, guramaçylaryň metbugat beýanatynda bellenilýär.
ORIENT
