Türki Döwletleriñ Guramasynyñ Žurnalistler birleşigi dörediler
Türki Döwletleriñ Guramasyna gatnaşyjy-döwletleriñ ministrleriniñ, jogapkär wekilleriniñ hem-de ýokary wezipeli adamlaryñ gatnaşmagynda geçirilen Media we habarlar meseleleri boýunça Iş toparyñ 11-nji mejlisiniñ barşynda Gyrgyzystanyñ Medeniýet, habarlar, sport we ýaşlar syýasaty ministrliginiñ Habarlar syýasaty müdirliginiñ başlygy Salkyn Sarnogoýewa tarapyndan bu baradaky başlangyç öñe sürüldi.
Onuñ aýtmagyna görä, Birleşik meýletinlik, deñlik we kanunylyk ýörelgelerine esaslanyp, TDG-a gatnaşyjy-döwletleriñ köpçülikleýin habar beriş serişdeleriniñ işgärleriniñ garaşsyz köpçulikleýin birleşigine öwrülmelidir. Edaranyñ öz möhüri we bank hasaplary bolmalydyr.
Mejlisiñ çäklerinde TDG-niñ media bilermenleriniñ, habarlar agentlikleriniñ, köpçülikleýin habar beriş serişdeleriniñ wekilleriniñ hem-de jogapkär işgärleriñ gatnaşmagynda Media maslahaty hem geçirildi. TDG-niñ agza-ýurtlarynyñ arasynda habarlar ulgamy boýunça hyzmatdaşlygyñ häzirki ýagdaýy we ileri tutulýan ugurlary maslahatlaşmalaryñ esasy mowzugy boldy.
Munuñ bilen baglylykda, Özbegistanyñ Daşary işler ministrliginiñ habarlar gullugynyñ ýolbaşçysy Ahror Burhanow bolup geçýän üýtgemeler baradaky habarlaryñ has takyk ýetirilmegi üçin TDG hyzmatdaşlygyny pugtalandyrmagyñ wajyplygyna aýratyn ünsi çekdi.
ORIENT news
