MA ýurtlary ERASMUS+ maksatnamasynyñ çäklerinde hyzmatdaşlyk barada maslahatlaşdylar
2024-nji ýylyñ 19-njy dekabrynda Daşkendiñ Muhammet al-Horezmi adyndaky Maglumat tehnologiýalar uniwersitetinde (TUIT) "ERASMUS+ çäklerinde ýokary bilimi we bilelikdäki taslamalary ösdürmekde Merkezi Aziýanyñ uniwersitetleriniñ hyzmatdaşlygynyñ ileri tutulýan ugurlary" atly tegelek stol geçirildi.
Çäre Özbegistandaky ERASMUS milli edarasy tarapyndan guralyp, Merkezi Aziýa ýurtlarynyñ, şol sanda Türkmenistanyñ wekillerini, ýokary bilim boýunça bilermenleri hem-de meşhur neşirýatlaryñ we kompaniýalaryñ wekillerini birleşdirdi
Gatnaşyjylar sebitde ýokary bilimi ösdürmegiñ esasy ugurlaryny ara alyp maslahatlaşdylar. Tegelek stol bilim ulgamynda tejribe alyşmak, täze çözgütleri döretmek hem-de hyzmatdaşlygy berkitmek üçin meýdança öwrüldi.
Türkmen wekiliýeti bilelikdäki bilim we ylym taslamalary döretmek, şeýle hem neşir işlerini ýokarlandyrmak üçin maglumat infrastrukturasyny ösdürmek ýaly hyzmatdaşlygyñ ileri tutulýan ugurlary kesgitledi.
Şu gün bolsa türkmenistanly wekiller ERASMUS+ ýokary bilimi özgertmek boýunça Milli toparyñ her ýylky halkara maslahatyna gatnaşar. Maslahat Tempus (1994–2014) we Erasmus+ (2014–2024) maksatnamalaryñ çäklerinde Ýewropa Bileleşiginiñ we Özbegistanyñ ýokary bilim ulgamynda hyzmatdaşlygynyñ 30 ýyllygyna bagyşlanar.
ORIENT news
