Dünýäde ilkinji gezek: öýjükli aragatnaşygyñ rus operatory ulgamyñ adyna Täze ýyl emodzilerini goşdy
T2 öýjükli aragatnaşygyñ rus operatorynyñ topary (ozalky Tele2, "T2 Mobile") ýetip gelýän 2025-nji ýyl mynasybetli öz müşderilerine aýratyn sowgatlary taýynlady.
Kompaniýa müşderileriñ smartfonlarynyñ ekranyna Täze ýyl arçasy, Aýaz baba we beýleki baýramçylyk nyşanlary şeklindäki owadan emodzini ulgamyñ adyna goşdy. Täze ýyl emodzileri ýakyn günlerde T2 müşderileriniñ köpüsiniñ smatrfonlarynda peýda bolar.
Ozal dünýäniñ hiç bir ykjam operatory munuñ ýaly çäräni amala aşyrmady.
T2 ykjam gollanmasynda baýramçylyk wakalarynyñ senenamasyny hem-de utuşly oýuny hem işe girizdi.
"Has köp" atly ygrarlylyk programmasynyñ gyşky täzelenişini goldamak maksady bilen aragatnaşyk operatory klassik ýylanjyk oýnuna esaslanyp işjeñligi girizdi.
Oýuna başlamazdan öñ, abonent at hem-de ýylyñ nyşanynyñ keşbini saýlap biler. Öz gahrymanyny futuristik şäheriñ köçelerinden ýöredip, ulanyjy Täze ýyl arçasy üçin bezegleri ýygnamaly. Her toplanan aýry bölekler bilen ýylanjyk çaltlaşýar, Täze ýyl arçasy bolsa owadanlaşýar. Oýunçylar sowgatlary ýygnap, baýrak hökmünde smartfonlara we aragatnaşyga arzanlaşyklary, ýa-da goşmaça gigabaýtlary we beýleki utuşlary gazanyp bilerler.
Iñ işjeñ oýunçylar sanawyñ ýokarky hatarlaryna geçip, her hepde Tecno kompaniýasynyñ baýrakly utuşlaryna gatnaşyp biler.
ORIENT news
