Täjigistanda syýahatçylary respublikanyñ ýadygärlikleri we ajaýyp ýerleri bilen tanyşdyrmak üçin ykjam gollanma işläp taýýarlandy
Täjigistanda syýahatçylary respublikanyñ ýadygärlikleri we ajaýyp ýerleri bilen tanyşdyrmak üçin ykjam gollanma işläp taýýarlandy. Bu barada Täjigistanyñ "Howar" Milli habarlar agentligi belleÿär.
"Täjigistanyñ syýahatçylyk kartasy" («Tourist Map Tajikistan») atly ykjam gollanma Täjigistan Respublikasynyñ Maliýe ministrliginiñ ýanyndaky "Ýaşyl maliýeleşdirmek we oba ýerleriniñ ösüş gaznasy" atly taslamany durmuşa geçirmek boýunça merkezi" Döwlet edarasynyñ hem-de Täjigistan Respublikasynyñ hökümetiniñ ýanyndaky Syýahatçylygy ösdürmek komitetiniñ başlangyjy bilen "Rebus" jemgyýetiniñ milli kompaniýasy tarapyndan taýýarlandy.
Şeýle gollanmanyñ işläp taýýarlanmagy syýahatçylyk pudagyny ösdürmek we daşary ýurtly syýahatçylary Täjigistanyñ owadanlygy we myhmansöýerlgi hem-de respublikanyñ ajaýyp ýerleri we ýadygärlikleri bilen tanyşdyrmak zerurlygy bilen düşündirilýär.
"Täjigistanyñ syýahatçylyk kartasy" syýahatçylyk ugurlary, şol sanda Täjigistandaky myhmanhanalar we restoranlar barada gerekli maglumatlary hödürleýär.
Ykjam gollanma offlaýn görnüşinde işläp, Google Play we AppStore-da elýeterlidir.
ORIENT news
