Türkmenistan BOMKA-nyň sebitleýin seminaryna gatnaşdy
Türkmenistanyň wekilleri “Serhetleri dolandyrmakda iş alyp barýan gulluklaryň bilim edaralarynyň professor-mugallymçylyk düzüminiň işini bahalandyrmak ulgamy” atly sebitleýin onlaýn-seminaryna gatnaşdy.
Seminar Merkezi Aziýada serhetleri dolandyrmak maksatnamasynyň (BOMKA 10) çäklerinde geçirildi.
Çäre mugallymçylyk düzüminiň işini bahalandyrmak usullarynda gatnaşyjylaryň taýýarlyk derejesini ýokarlandyrmaga, şeýle hem mugallymyň şahsy we hünär ösüşinde bahalandyrmagyň netijelerini ulanmaga gönükdirildi. Işgärleriň hünär ösüşini meýilleşdirmek meselelerine aýratyn üns berildi.
Täjigistan Respublikasynyň Serhet goşunlarynyň Ýokary serhet institutynyň bilermeni bahalandyrmagyň esasy çemeleşmeleri we usullary barada gürrüň berip, bilim işinde olardan peýdalanmagyň tejribesi bilen paýlaşdy.
Bu okuw Merkezi Aziýa ýurtlarynyň serhet we gümrük gulluklarynyň bilim edaralarynyň birleşdirilmeginiň, şeýle hem 2024-nji ýyl üçin sebitiň ylalaşylan okuw maksatnamasynyň çäklerinde BOMKA tarapyndan guralan onlaýn-okuwlaryň bir bölegi bolup durýar.
ORIENT news
