Türkmenistan Şweýsariýa we Şwesiýa bilen diplomatik gatnaşyklaryny berkitýär
12-nji dekabrda Aşgabatda Türkmenistan bilen Şweýsariýa we Şwesiýanyň arasyndaky ikitaraplaýyn hyzmatdaşlygy ösdürmek boýunça möhüm diplomatik duşuşyklar geçirildi. Bu çäreler Bitaraplyk baýramynyň möhüm bölegine öwrüldi, olaryň netijeleri bolsa halkara hyzmatdaşlygyny berkitmäge bolan islegini görkezýär.
Türkmenistanyň Daşary işler ministri Raşid Meredow Şweýsariýa Konfederasiýasynyň Türkmenistandaky Adatdan daşary we Doly ygtyýarly Ilçisi (oturýan ýeri Baku ş.) Tomas Şteli bilen duşuşyk geçirdi. Taraplar syýasy-diplomatik, söwda-ykdysady we medeni-ynsanperwer ugurlardaky hyzmatdaşlygyň geljegini ara alyp maslahatlaşdylar. Duşuşyk iki sany möhüm ylalaşyga gol çekişmek bilen tamamlandy: diplomatik we gulluk pasportlarynyň eýeleri üçin wiza talaplaryny özara ýatyrmak hakynda we rugsatsyz ýaşaýan adamlaryň readmissiýasy hakynda.
Şeýle-de şol gün Türkmenistanyň Daşary işler ministriniň orunbasary Mähri Bäşimowa bilen Şwesiýa Patyşalygynyň Türkmenistandaky Ilçisi (oturýan ýeri Stokgolm ş.) Tomas Danestadyň arasynda duşuşyk geçirildi. Gepleşikleriň dowamynda ikitaraplaýyn gatnaşyklaryň durnukly ösmegine, şeýle hem sentýabr aýynda Stokgolmda geçirilen syýasy geňeşmeleriň netijeliligine aýratyn üns berildi. Medeni-ynsanperwer hyzmatdaşlygy ösdürmäge we bu ugurda bilelikdäki başlangyçlary durmuşa geçirmäge aýratyn üns berildi.
Bu duşuşyklar halkara gatnaşyklaryny pugtalandyrmak we bitaraplyk ýörelgeleri esasynda köptaraplaýyn gatnaşyklary ösdürmek ugrunda Türkmenistanyň ygrarlylygyny görkezýär.
Gol çekilen we gazanylan ylalaşyklar Türkmenistan bilen Ýewropadaky hyzmatdaşlaryň arasyndaky hyzmatdaşlygy has-da giňeltmek üçin esas döretdi. Ilçiler şeýle-de Halkara bitaraplyk güni mynasybetli geçirilen dabaralara gatnaşdylar.
ORIENT
