BELTA: Belarusyñ Merkezi saýlaw topary 56 halkara synçyny hasaba aldy
Belarusyñ Merkezi Saýlaw topary Belarus Respublikasynyñ prezident saýlawlaryna gatnaşjak 56 sany daşary ýurt (halkara) synçyny hasaba aldy.
Merkezi saýlaw toparynda bellenilişi ýaly, Garaşsyz Döwletleriñ Arkalaşygyna gatnaşyjy-döwletleriñ Ýerine ýetiriji komiteti we Hökümetara Assambleýasy ilkinji bolup resminamalaryny hödürlediler.
Munuñ bilen bilelikde, ýurtda milli synçylaryñ hasaba alynmagy hem dowam etdirilýär. Belarusyñ Prezident saýlawlary boýunça çäk toparlarynyñ ýanynda eýýäm 923 adam hasaba alyndy.
16-njy dekabrdan gijä galman, toparlar haýsy-da bolsa bir dalaşgäri goldap, öz goluny goýan saýlawçylaryñ sany baradaky beýannamalary etrap, Minsk şäheriniñ toparlaryna geçirerler.
21-nji dekabrdan gijä galman bu maglumatlar Merkezi saýlaw toparyna beriler.
Dalaşgärleriñ hasaba alynmagy 22-31-nji (şol gün hem) dekabr aralygynda geçiriler. Saýlawdan öñki agitasiýa işleri (ses bermäge çagyryş) 1-25-nji ýanwar aralygynda meýilleşdirildi.
2025-nji ýylyñ 21-25-nji ýanwarynda Belarusda prezident saýlawlarynda möhletden öñki ses berme işi geçiriler. Ses bermegiñ esasy güni - 26-njy ýanwar.
Merkezi saýlaw topary ses bermegiñ netijelerini 5-nji fewraldan gijä galman belli eder. Zerur bolan ýagdaýynda ikinji tapgyr 2025-nji ýylyñ 9-njy fewralyndan öñ geçiriler.
ORIENT news
