Türkmenistanyñ Döwlet gümrük gullugynyñ ýanyndaky Okuw merkezi we Özbegistanyñ Gümrük instituty 2025-nji ýylyñ meýilnamasyny kesgitlediler
Ikitaraplaýyn hyzmatdaşlyk mümkinçilikleri Türkmenistanyñ Döwlet gümrük gullugynyñ ýanyndaky Okuw merkeziniñ hünärmenleriniñ we Özbegistan Respublikasynyñ Gümrük komitetiniñ Gümrük institutynyñ wekilleriniñ arasynda geçirilen duşuşygyñ dowamynda ara alnyp maslahatlaşyldy.
Duşuşyk 2022-nji ýylyñ Türkmenistanyñ Döwlet gümrük gullugynyñ we Özbegistan Respublikasynyñ Döwlet gümrük komitetiniñ arasynda işgärleri taýýarlamak babatda özara düşünişmek baradaky Ähtnamanyñ durmuşa geçirilmeginiñ çäklerinde onlaýn görnüşinde geçirildi.
Hususan-da, taraplar bilim tehnologiýalary we okatmagyñ usulyýeti babatda alyş-çalyş meseleleri, hünär taýýarlygyny ýokarlandyrmak boýunça bilelikdäki okuwlary guramak barada maslahatlaşdylar. Şeýle hem, harytlaryň sazlaşykly beýany we kodlaşdyryş ulgamynyñ on belgili kodlaryny ulanmak meselesine hem-de Türkmenistanyñ Döwlet gümrük gullugynyñ işgärleri üçin degişli seminarlary geçirmek meselesine garaldy.
Duşuşygyñ netijeleri boýunça taraplar 2025-nji ýylda geçiriljek çäreleriñ meýilnamasyny işläp taýýarlamak hem-de seminarlaryñ ýyllyk tertibini düzmek barada ylalaşdylar.
ORIENT news
