USAID türkmen telekeçilerini UzFood 2025-e çagyrýar
Telekeçiligi we işewürlik gurşawyny ösdürmek boýunça USAID-iñ taslamasy (USAID/FGI) türkmen telekeçilerini "Iýmit önümleri, iýmit düzümleri we önümçilik tehnologiýasy - UzFood 2025" atly 24-nji halkara sergisine gatnaşmak üçin arzalaryny tabşyrmaga çagyrýar.
Sergi Özbegistanyñ Daşkent şäherinde 2025-nji ýylyñ 8-10-njy apreli aralygynda geçiriler.
UzFood Merkezi Aziýanyñ azyk senagaty we iýmit önümleri pudagynda esasy waka bolup durýar. Her ýyl bu sergä azyk pudagynyñ öñdebaryjy öndürijileri, üpjün edijileri we lomaý satyjylary gatnaşýar.
UzFood sergisiniñ çäklerinde baý mazmunly işewürlik maksatnamasy geçiriler: Riteýl-merkezi (iýmit önümlerini öndürijileriñ satyn alyjylar, bölekleýin we lomaý satyjylar bilen duşuşyklary üçin ýöriteleşdirilen meýdançasy); forumlar, seminarlar we gatnaşyjylaryñ ussatlyk sapaklary.
USAID/FGI nämeleri teklip edýär?
Başlangyjyñ çäklerinde USAID/FGI gatnaşyjylary hasaba almak we sergi pawilýonyny kireýine almak bilen baglanyşykly çykdajylary öz üstüne alýar. Gatnaşyjylaryñ özi wiza, ýaşaýyş we ulag bilen bagly çykdajylary özbaşdak amala aşyrmaly.
Taslamanyñ maksady halkara bazara çykmakda türkmen öndüriilerine gokdaw bermekden, olaryñ dünýä bazaryndaky orunlaryny berkitmekden, türkmen brendleriniñ daşary ýurtda tanalmagyny artdyrmakdan ybarat.
Näme üçin gatnaşmaly?
UzFood 2025 türkmen kompaniýalaryna ajaýyp mümkinçilikleri hödürleýär:
Giñ halkara köpçüligini öz önümleri bilen tanyşdyrmak;
Bölekleýin we lomaý söwda satyn alyjylary bilen gatnaşyklary ýola goýmak;
Täze hyzmatdaşlary we müşderileri edinmek hem-de halkara bazar tendensiýalaryny öwrenmek.
Gyzyklanma bildirýän taraplar 2024-nji ýylyñ 22-nji dekabryna çenli şu salgy boýunça arzalary doldurmaly (ýerli wagt boýunça sagat 23:59 çenli).
Gatnaşyjylar bäsleşlik esasynda saýlanar, sebäbi ýer sany çäklendirilen.
ORIENT news
