Türkmenistanyň we Özbegistanyň diplomatlary hyzmatdaşlygyň giň toplumyny ara alyp maslahatlaşdylar
Şu gün Türkmenistanyň DIM-de Türkmenistanyň Daşary işler ministriň orunbasary Ahmet Gurbanow bilen Özbegistan Respublikasynyň Daşary işler ministriniň orunbasary Bobur Usmanowyň arasynda duşuşyk geçirildi.
Duşuşygyň çäginde syýasy-diplomatik, söwda-ykdysady we medeni-ynsanperwer ugurlar boýunça ikitaraplaýyn hyzmatdaşlygyň, şeýle hem sebit we halkara gün tertibiniň meseleleriniň giň toplumy ara alnyp maslahatlaşyldy.
Diplomatlar iň ýokary we ýokary derejelerdäki yzygiderli duşuşyklaryň we gepleşikleriň hyzmatdaşlygy berkitmekde esasy orny eýeleýändiklerini tassykladylar.
Bellenilişi ýaly, döwletleriň arasyndaky söwda-ykdysady hyzmatdaşlyk yzygiderli ösdürilýär. Ikitaraplaýyn işewür gatnaşyklar üçin uly mümkinçilikleriň bardygy nygtaldy. Şunuň bilen birlikde diplomatlar Türkmenistanyň we Özbegistanyň sebitleriniň arasyndaky göni gatnaşyklaryň netijeli häsiýetini bellediler.
Söhbetdeşler medeni-ynsanperwer ugruň döwletara gatnaşyklarynyň depginli ösmeginiň esasy faktorlarynyň biridigini nygtadylar diýip, Türkmenistanyň DIM-iň metbugat beýanatynda aýdylýar.
ORIENT
