Türkmenistan Özbegistanda iň uly ýedi eksportçylaryň sanawyna girdi
GDA ýurtlarynyň arasynda Türkmenistan şu ýylyň ýanwar-oktýabr aýlarynyň aralygynda netijelerine görä Özbegistanyň söwda hyzmatdaşlary arasynda ilkinji üçlüge girdi hem-de Özbegistanyň iň köp önüm we hyzmat import edýän ýedi ýurtdan biri boldy.
Özbegistan Respublikasynyň Statistika agentliginiň habaryna görä, iki ýurduň kesgitlenen döwür üçin söwda dolanyşygy 947,7 million ABŞ dollary boldy, bu bolsa geçen ýylyň degişli döwri bilen deňeşdirilende 0.92% köpdür. Türkmenistan bu 10 aýyň dowamynda Özbegistana bahasy 848,5 million ABŞ dollary möçberinde önümi eksport etdi. Bu görkeziji 6,7% ýokarlandy.
Özbegistandan Türkmenistana iberilýän önümleriň mukdary 99,2 million ABŞ dollary boldy, bu bolsa geçen ýylyň degişli döwri bilen deňeşdirilende 44,8% azdyr.
Bütin dünýäde Türkmenistan Özbegistanyň söwda hyzmatdaşlarynyň ilkinji onlugynda ýedinji orny eýeledi.
ORIENT
