Türkmenistan we Italiýa bilim ulgamy boýunça hyzmatdaşlyk barada maslahatlaşdylar
Türkmenistanyň Bilim ministrliginde Türkmenistanyň bilim ulgamynyň wekilleriniň Italiýanyň Türkmenistandaky Adatdan daşary we doly ygtyýarly ilçisiniň ýolbaşçylygyndaky italýan wekiliýeti bilen duşuşygy geçirildi.
Italýan tarapyndan maslahatlaşmalara gatnaşanlar:
Prof. Filippo Kosta Buranelli, Sent-Endrýus uniwersiteti, ýokary bilim boýunça hünärmen.
Prof. Karlo Frappi, Ka’Foskari uniwersiteti, ýokary bilim boýunça bilermen.
Prof. Silwana Stefani, Milan Bikokk uniwersiteti, energetika geçişi boýunça hünärmen.
Dr. Enriko Wesketti, Italiýanyň Saglygy goraýyş milli instituty (ISS), saglygy goraýyş boýunça bilermen.
Prof. Andrea Zinzani, Bolonýa uniwersiteti, suw serişdelerini dolandyrmak boýunça bilermen.
Taraplar bilim torlaryny döretmek işine ähmiýet bermek bilen, Türkmenistan bilen Italiýanyň arasyndaky hyzmatdaşlygy pugtalandyrmaga gönükdirilen birnäçe meseleleri ara alyp maslahatlaşdylar. Italýan tarapy Merkezi Aziýa ýurtlary bilen hyzmatdaşlygyň möhümdigini aýratyn nygtap geçdi.
Maslahatlaşmada aşakdaky ugurlara aýratyn üns berildi:
Energetika – durnukly tehnologiýalaryň ornaşdyrylmagy we energiýa netijeliligi üçin tejribe çözgütleri alyşmak.
Suw serişdeleri – netijeli dolandyryş we olary ulanmagyň innowasion usullarynyň ösdürilmegi.
Saglygy goraýyş – ýokary hünär ösüşi, tejribe alyşmak we bilelikdäki ylmy barlaglar.
Bilim we barlaglar – akademiki alyşlar, bilelikdäki okuw maksatnamalaryň we barlag taslamalaryň durmuşa geçirilmegi.
Duşuşygyň netijeleri taraplaryň hyzmatdaşlygy mundan beýläk-de ösdürmäge taýýardyklaryny tassyklady.
ORIENT news
