Türkmenistanyň intellektuallary “Winter Cup 2024” ýaryşyna gatnaşmaga çagyrylýar
Ýewropa Bileleşiginiň Türkmenistandaky wekilhanasy 8-nji dekabrda geçiriljek “Winter Cup 2024” atly intellektual bäsleşiginiň geçiriljekdigini habar berdi. Bäsleşige gatnaşmak tölegsiz.
Topar sekiz adama çenli bolup biler: alty esasy we iki ätiýaçdaky oýunçy. Bäsleşik türkmen we rus dillerinde geçiriler.
Gatnaşýanlar hersi 12 soragdan ybarat iki tapgyrda jemi 24 soraga jogap bermeli bolarlar. Iki tapgyryň netijelerine esaslanyp, iň oňat iki topar ýaryş çempiony diýen adyna eýe bolmak üçin finalda bäsleşerler. Final oýny 6 utuk çenli dowam etjekdigini bellemelidiris.
Galan toparlar final soraglarda oýnuny dowam etdirerler we intellektual ýaryşda üçünji orny eýelemek ugrunda bäsleşerler.
Gatnaşmak üçin şu salgy boýunça, 6-njy dekabra çenli onlaýn görnüşinde hasaba alynmaly .
Bäsleşigiň başlanjak wagty: 8-nji dekabrda, sagat 13: 00-da (oýna hasaba alynmak 12:30-da başlar).
Bäsleşik Arçabil şaýolunyň 41 jaýynda (“ABM” söwda merkezi) ýerleşýän “Angar” resto-klubynda geçiriler.
ORIENT news
