Aşgabatda ýol howpsuzlygy barada ýatladýan LED-monitorlar gurnaldy
Aşgabatda şäher häkimligi we Türkmenistanyñ Içeri Işler ministrligi tarapyndan ýol hereketiniñ düzgünlerini berjaý etmek baradaky çagyryşly täze LED-monitorlary gurnaldy diýip, ORIENT habarçysy habar berýär.
Ýol hereketiniñ berjaý edilmeginiñ ähmiýeti barada ýatladýan bilbordlar we LED-monitorlar ýoluñ ähli ýokarky böleklerinde ýerleşdirilen. Şeýlelik bilen, sürüjileri ýollarda ünsli bolmagyna çagyrýarlar.
Bu başlangyjyñ çäklerinde döredijilikli şygarlar ulanyldy: "Tizligiñi peselt, jan-saglygyñy gora!", "Çagalaryñ hereketine ünsli bol!", "Telefona däl, ýoluña üns ber!", "Ýol hereketiniñ howpsuzlygy - ömrümiziñ rahatlygy!", "Pyýadalara ýol beriñ!", "Howpsuzlyk kemerini dakynmagy unutma!", "Ýol belgilerine ünsli boluñ!"
Bu geçirilýän çäre Türkmenistanyñ ýol hereketiniñ howpsuzlygyna uly derejede üns berýändigini ýene-de bir gezek tassyklaýar. 2024-nji ýylda onlarça halkara forumlaryñ geçirilmegi hem muña şaýatlyk edýär. Olaryñ birisi ýakynda geçirilen - "Halkara ulag we üstaşyr geçelgeleri: özara arabaglanyşygy we ösüşi - 2024" (ITTC-2024) atly halkara maslahaty. Bu Forum Bütindünýä durnukly ulag gününiñ goldanylmagynda möhüm başlangyç boldy.
Türkmenistanyñ daşary işler ministri Raşid Meredowyñ BMG-niñ Baş Sekretarynyñ ýol hereketiniñ howpsuzlygy boýunça ýörite ilçisi Žan Todt bilen 27-nji noýabrda geçirilen duşuşygynda ITTC-2024 maslahatynyñ BMG-niñ "Hemmeler üçin howpsuz ýollar" atly ählumumy kampaniýasyny goldaýandygy barada bellenildi. Bu başlangyç 2025-nji ýylyñ fewralynda Marrakeşde geçirilmegi meýilleşdirilýän ýol hereketiniñ howpsuzlygy boýunça 4-nji Ählumumy ministrlik maslahatynyñ äheñini berýär.
Şeýle-de okañ:
Türkmenistanyň sürüjilerine pyýada geçelgeleriň öňünde saklanmagyň zerurdygy ýatladyldy
Rugsat berilen tizlikde sürmek - howpsuz, tygşytly hem-de ... ekologiýa taýdan arassadyr
ORIENT news
