“Türkmenpoçta” döwrebaplaşdyrylan EMS hyzmatlaryny hödürleýär
“Türkmenpoçta” poçta aragatnaşyk döwlet kompaniýasy tamamlanan “ITTC-2024” atly halkara maslahtynda we sergisinde EMS (Express Mail Service) hyzmatynyň täzelenen mümkinçiliklerini hödürledi. Täze hyzmatlar poçta önümleriniň hilini ýokarlandyrmaga we müşderileriň barha artýan isleglerini kanagatlandyrmaga gönükdirilendir.
“Express Mail” arkaly iberilen bukjalar 1-den 3 günüň içinde Türkmenistanyň islendik ýerine eltiler. Halkara iberişler üçin eltilýän wagt barmaly ýerine baglylykda bir hepdeden bir aýa çenli wagty alar. EMS hyzmat nyrhlary ugradylýan zadyň agramyna baglylykda üýtgeýär. Bahalar barada has giňişleýin maglumaty post.tm kompaniýasynyň resmi web sahypasynda ýa-da 075 jaň edip alyp bilersiňiz.
EMS hyzmatlarynyň esasy artykmaçlygy, ýokary eltiş tizligi we müşderiler üçin amatlylykdyr.
“Türkmenpoçta” eýeçiligindäki “Çapar Pay” ykjam programmasy ulanyjylara gyssagly iberilmegi zerurlygy ýüze çykanda işewür müşderiler we şahsyýetler üçin möhüm bolan ýükleri we resminamalary ibermek üçin kurýer çagyrmaga mümkinçilik berýär.
Şeýlelik bilen, täze EMS mümkinçilikleriniň ornaşdyrylmagy “Türkmenpoçta”-nyň hyzmatlaryny döwrebaplaşdyrmak we müşderileriň ähli derejeleri üçin hyzmatyň hilini ýokarlandyrmak islegini tassyklaýar.
ORIENT news
