Turkish Airlines üstaşyr gatnawlaryň ýolagçylary üçin Stambula mugt gezelençleri hödürleýär
Stambulda düşüp münýän Turkish Airlines-yň ýolagçylary şähere mugt gezelenji amala aşyrmak ajaýyp mümkinçiliginden peýdalanyp bilýärler. “Touristanbul” maksatnamasy syýahatçylara Türkiýäniň iri şäheriniň taryhy we medeni ýadygärlikleri bilen tanyşmaga mümkinçilik berýär.
Bu gezelençler gatnawlaryň arasyndaky wagty 6-24 sagada çenli ýetýän ýolagçylar üçin niýetlenen. Gatnaşyjylara howa menzilinden esasy syýahatçylk ýerlere çenli mugt ulag, şeýle hem ýol belediň hyzmatlary we günortanlyk nahary hödürlenilýär. Maksatnamanyň ugurlarynyň arasynda – meşhur Sultanahmet meýdançasyna, Aýa-Sofiýa, Topkapy köşgüne we beýleki ajaýyplayklara gezelençler bar.
Maksatnama Turkish Airlines halkara gatnawlarynyň Stambulyň howa menzilinde düşüp münýän ýolagçylary üçin hereket edýär. Türkiýeli milli howa geçerijisi bu maksatnamanyň ýolagçylara goşmaça çykdajysyz öz syýahatyna täsin duýgulary goşmak pursady bolandygyny belleýär. Ýolagçylar howa menziliniň çägindäki iki direg nokadyna baryp, bu hyzmatdan peýdalanyp bilerler.
Goşmaça maglumatlar we hasaba alnyş howa kompaniýanyň resmi saýtynda elýeterlidir.
