Gruziýanyň Parlamenti Irakliý Kobahidzeniň ýolbaşçylygyndaky hökümeti tassyklady
Gruziýanyň parlament deputatlary premýer-ministr Irakliý Kobahidzeniň ýolbaşçylygynda hökümet düzümini tassyklady. Şeýle-de, parlament ýakyn dört ýyl üçin onuň meýilnamasyny hem tassyklady.
Ses bermegiň netijeleri boýunça hökümete bolan ynamyny 84 deputat beýan etdi. Garşy çykan ýok.
Öň premýer wezipesinde işlän Irakliý Kobahidze ozal ministrlik wezipelerine üç täze dalaşgär bilen tanyşdyrdy.
Hususan-da, Daşary işler ministrliginiň ýolbaşçysy wezipesini Maka Boçorişwili eýeledi. Parlamentiň adalat komitetine ýolbaşçylyk eden Anri Ohanaşwili Adalat ministrligine baştutanlyk eder, Daşky gurşawy goramak we oba hojalyk ministrligine bolsa Dawid Songulaşwili ýolbaşçylyk eder.
Gruziýanyň parlament saýlawlary 26-njy oktýabrda geçirilip, onda 2 mln saýlawçy öz sesini berdi. Gelen saýlawçylaryň sany 58,94 % deň boldy.
ORIENT news
